lundi 7 janvier 2013

نحب نزيد فصل في الدستور

نهار 14 ديسمبر 2012 تنشرت "مسودة مشروع الدستور". تنجموا تلقاوها هنا. هي، الحق، فيها برشة نقائص شكلا و مضمونا. و برشة عباد تكلمت على هالنقائص (مثلا هنا).

أنا، من موقعي، بش نتكلم على حاجة بركة و نركز عليها.

كيف ما رينا العامين هذومة كثر الكلام على زيادات شهاري جماعة المجلس التأسيسي. أنا نشوف و أنو لازم نسكروا باب البلاء هذايا فرد مرة. و عندي إقتراح و هو إدراج هذا الفصل في الدستور:

كل تغيير في الموارد الماديّة لأعضاء مجلس الشّعب لا يدخل حيّز التنفيذ إلّا في الفترة النيابيّة الموالية

يمكن ياسر و أنو الصياغة متوسطة و الثغرات موجودة. هذاكة علاش نطلب منكم بش تعاونوني باقتراحاتكم.

نفسرلكم شنوة نطلب من النص هذا:
  • النواب كان بش يزيدو في الشهرية، ما يزيدوش لرواحهم و لكن للي مبعدهم
  • لا يزيدوا لا في الشهرية، و لا في الفوائد العينية، و لا في الشيخوخة، و لا أي حاجة من النوع هذا. معنتها موش نسكروها من جيهة، يهزوا الفلوس من الجيهة الأخرى
  • ينجموا يزيدوا في حاجات الخدمة. مثلا يبدلوا الكراسي، يزيدوا شهاري اللي يخدموا غادي،... معنتها التسكير على الشهاري موش على ميزانية المجلس
إذا كان عندك أي ملاحظة، تكونشي حتى نزيد فاصل، حط تعليق اللوطة.
 تحب تكتب إسمك ولا لا، أمورك.
 تحب تعبر بالدارجة، بالعربية، بالسوري، بالأنغليز، بالشنوة،... أمورك.

المهم، حط فكرتك إذا كانك مقتنع و أنو الفصل هذا عندو بلاصة في دستور الجمهورية التونسية.

و اللي يقول الفكرة هذه منين جاتو، نقولو من هنا : fr, en

EDIT
أقترحت عليّ الصيغة الآتية

لا يجوز تغيير المنح والامتيازات المخولة لأعضاء المجالس المنتخبة تخفيضا أو ترفيعا إلا بشرح اسباب معلل ولا تسري هذه التعديلات إلا بالنسبة للمدة النيابية الموالية للمدة التي تمت فيها المصادقة على التعديل

5 commentaires:

Yahya a dit…

عندي إقتراح خير من هذا كل الأجور سواء في القطاع العم أو القطاع الخاص يجب أن تخضع لضارب في الأجر الأدنى الصناعي أي أن كل زيادة في الأجر يجب أن تمر وجوبا بالأجر الأدنى الصناعي و ذلك كي لا تنعكس الزيادة في الأجور على أصحاب الدخل الضعيف.

inzemix a dit…

هاو الصحيح!!! والله كلام ياسر معقول

Anonyme a dit…

Hsouna, a3mel talla 3ala el lien hedha w ken t7eb na3mlou 9a3da ba3d. Amane 5oudh wa9tek w tfarrej fih el koll : http://www.youtube.com/watch?v=M2ADw7hZiT0

Hsn a dit…

@anonyme na3mlou 9a3da avec plaisir... chkounek ? (tu peux te manifester sur un autre support)

Unknown a dit…

On pourra par exemple lier le revenu total (salaire + autres indemnités) du député (et même les hauts fonctionnaires de l'état comme les ministres) au SMIG..
De tel façon à ce que le revenu ne doit pas dépasser n fois le SMIG, et du coup le député ne peut augmenter son revenu que quand le SMIG augmente..