توا مالآخر، الإنتخابات يا إما حكاية بالحق وإلا لا.
كان الإنتخابات حكاية فارغة، وفيها غمة والعيوب الكل فيها، وانتي تمشي تقيد، وتنتخب. اشنو بش تخسر ؟ بش تضيع ربع ساعة (درج مشي، درج تقيد، درج مرواح) بش تقيد. ومبعد، تخسر ربع ساعة أخرى نهار الإنتخابات.
وكان الإنتخابات ماهيش مسروقة، وبالرسمي؟ وانت ما تمشيش تقيد ؟ تضيع حقك في الانتخابات. ووقتها تضيع حقك في القرار. وكيف ما قبل كانوا يسطرولك ويختاروا اش نعملوا بفلوسنا، وشنقراو في المكتب، ووقتاش نحلو خدم، وين نعديو الكياس... يكملوا يسطرولك ليوم.
مالآخر، تقيد، ترسكي بش تضيع ربع ساعة.
ما تقيدش؟ ترسكي بش تضيع كلمتك اللي العباد ماتت على خاطرها
